شەوی رابردوو، لە شارۆچکەی خورماتوو، شەش چەکداری نەناسراو، ھەڵدەکوتنە سەر ماڵی ھاووڵاتییەکی کورد و دزی لێ دەکەن.



محەمەد فایەق، بەرپرسی راگەیاندنی قایمقامییەتی خورماتوو، رای گەیاند: "شەوی رابردوو 5 لەسەر 6/7/2017 کاتژمێر 2:40 شەش چەکداری نەناسراو ھەڵدەکەوتنە سەر ماڵی ھاووڵاتییەکی کورد بە ناوی وریا عەبدولڵا غەفور، لە گەڕەکی کۆماری و لە ئەنجامدا بڕێکی زۆری پارە و زێڕ دەدزن و ھەڵدێن".



بەرپرسی راگەیاندنی قایمقامیەتی خورماتوو، ئەوەشی روون کردەوە: " ئەو بڕە پارە و زێڕەش لە 60 مسقال زێڕ، 60 ھەزار دۆلار و لەگەڵ 30 ملیۆن دینار، پێکدێت".











باسنيوز