ئافرەتێن دهۆکێ کار بۆ سەرکەفتنا ریفراندومێ دکەن
(شەپال حەسەن)، بەرپرسا ئەنجوومەنێ دهۆک یا ئێکەتیا ئافرەتێن کوردستانێ، بۆ مالپەرێ فەرمیێ پارتى دیموکراتى کوردستان گۆت:" ریفراندوما ل 25 هەیڤا 9 یا ئەڤ سالە، گرێدایى چارەنڤیسێ مللەتەکى یە، و دێ بیتە پێنگاڤەک کوردستان سەربەخۆ ببیت، لەوا دەنگدان ب ''بەلێ'' دێ سەنگا جەماوەرى بۆ دەولەتا کوردى دیار کەت ".
(شەپاڵ)ـێ، ئەو چەندە ژى دیار کر، جەماوەرێ کوردستانێ ب گشت و ئافرەتێن ب تایبەتى رۆلەکێ گرنگ د پشکداریکرنێ دڤێ پرۆسێ دا هەیە، چونکی دناڤ مالێ دا کارتێکرنا خۆ هەیە، و مە وەک ئێکەتیا ئافرەتان کومبوون دگەل لایەنێن سیاسیێن دیتر کرینە، و ئەو ژى دگەل مە ب هەڤ دەنگ بووینە ژبۆ سەرکەفتنا ڤێ پرۆسیسێ، لەوا دێ پێکڤە کار لسەر پرۆژەیێ هەڤپشکی هەموو لایەنێن سیاسى ئێتەکرن ژبۆ سەرکەفتنا ریفراندومێ.
هەر پێدڤی ب ڤێ پرسێ، (هەیفا دۆسکى)، چالاکڤان د بیاڤێ ئافرەتاندا ل پارێزگەها دهۆکێ، بۆ مالپەرێ فەرمیێ پارتى دیموکراتى کوردستان خویاکر، رایا گهلی و گهل ب خوە بریارا چارهنڤیسی خو بدهت ب چ ئاوایی بیت، ژبەر ڤێ چەندێ ژى دڤێت ههمى لایەن ملێن خو بدەنە بەر و پشتەڤانیێ لێ بکەن".
(هەیفا)یێ زێدەتر گۆت ژی:" ریفراندوم کا چهند یە گرنگه، هەروەسان هند یا پێدڤی ب ئێکرێز و ئێکدهنگیا ههمو پارتان ژی ههیه، چونکی ههکه ئاشتهواییا نیشتمانی نهبیت، رهنگه ئهڤ پرۆژه ل ههڤکاریا دهولهتێن دوژمن بهێته ژناڤبرن، لەوا بۆ ئافرەتان پەیوەندى دگەل هەمى ژن و خویشک یێن لایەنێن دیتر یێن حزبى هەیە.
هەروەسان ژ لایەکی دی ڤە، (جیان مەهدى)، بەرپرسا ئەنجوومەنێ قەزا دهۆک یا ئێکەتیا ئافرەتێن کوردستانێ بۆ مالپەرێ فەرمیێ پارتى دیموکراتى کوردستان راگەهاند:" ئەنجامدانا ریفراندومێ د ڤێ قوناغێ دا گرنگى و سەنگەکا جودا دێ هەبیت، ژ بوى ناساندنا ناسناما نەتەوى رەوشەنبیرى و مێژوییا گەلێ کورد، و پرسا ریفراندومێ پرسەک نەتەویى یە، و هەر حزبەک یان لایەنەک دژى ڤێ یەکێ راوەستیت دێ مێژوەک خراب تومار کەت".
(جیان)ێ گوت ژی :" پێدڤیە ل سەر حزب و ریکخراوین جەماوەرى خوە ل رەوشەنبیرکرنا هەموو تەخێن جڤاکى بکەن خودان، و بۆ خەلکى ب تێر و تەسەلى بەحس بکەن، و ب تایبەت تەخا ئافرەتان، جونکە ئەڤە باشترین دەلیڤەیە بو مللەتێ کورد هاتیە رەخساندن.''
kdp-
