به‌رپرسێ بنگه‌هێ لالش یێ ره‌وشه‌نبیرى وكۆمه‌لایه‌تى تایى خانكێ، دیاركركو جوگرافیه‌تا كوردێن ئێزدى ژلایێ عه‌ره‌بان ڤه‌ به‌رده‌وام تووشى ته‌عریب وگوهورینێ بوویه‌ ، ب ده‌نگى به‌لێ بۆ رێفراندۆمێ دێ جوگرافیه‌تا كوردێن ئێزدى ئێكلا بیت.



عنته‌ر كه‌لۆ، به‌رپرسێ بنگه‌هێ لالش یێ ره‌وشه‌نبیرى وكۆمه‌لایه‌تى تایى خانكێ،دیاركر: " ئه‌نجامدانا رێفراندۆمێ وراگه‌هاندنا ده‌وله‌تا كوردى ڤه‌گه‌راندنا باوه‌ریێ یه‌ بۆ ئێزدیان جاره‌كا دێ جه ووارێ خوه‌ نه‌هێلن ئێدى دێ تووشێ قربوونێ نابن وسنۆرى جوگرافیا ئێزدیان دهێته‌ دیاركرن وئێكلایكرن".



خۆیا ژى كر: " درێژاهیا دیرۆكێ دا به‌رده‌وام جوگرافیا ئێزدیان تووشى ته‌عریب و گوهورێنى بوویه‌ ژلایێ عه‌ره‌بان ڤه‌ ل وه‌لاتى توركیا ژێ ئه‌ڤ كاره‌سات و نه‌خۆشى بسه‌رى ئێزدیان هاتن هه‌تا كو ئێزدى ل توركیا نه‌ماین هه‌موو به‌ره‌ڤ وه‌لاتێن بیانى چوون ب ده‌نگى به‌لێ بۆ ریفراندۆمێ و سه‌ربه‌خۆیا كوردستانێ كوردێن ئێزدى دێ جوگرافیه‌تا خوه‌ دیاركه‌ن ئێدى تووشى فه‌رمانان نابن".
bas news-