رێڤەبەرێ نڤیسینگەھا رزگارکرنا رەڤاندیێن کوردێن ئێزدی، دیارکرکو حکومەتا ئەلمانیا رازمەندی کری 500 کچ وژنێن ئێزدی یێن ژ دەستێن تیرۆرستێن داعش رزگاربووین رەوانەی ئەلماینا بکەت ب مەرەما چارەسەریا دەروونی و جەستەیی.

حسێن کورۆ قائێدی، رێڤەبەرێ نڤیسینگەھا رزگارکرنا رەڤاندیێن کوردێن ئێزدی، دیارکر: "دێ ھەماھەنگیی دگەل حکومەتا ھەرێما کوردستانێ ھێتە کرن بۆ رەوانەکرنا وان 500 کچ و ژنان بۆ ماوەیەکێ دێ وەلاتی ئەلمانیا مینن بۆ وەرگرتنا چارەسەری وبەری نوکە ژێ ھزار کچ وژنێن ئێزدێ یێن رزگاربووین ژدەستێ تیرۆرستێن داعش بۆ ئەلمانیا ھاتبوونە رەوانەکرن وچارەسەری وەردگرتن، ل دەمەکێ نێزیک دێ نڤیسینگەھا رزگارکرنا رەڤاندیێن ئێزدی ب رێکا حکومەتا ھەرێما کوردستانێ ناڤیێن کچ وژنان بەرھەڤ کەت دێ ھێنە رەوانەکرن".

خۆیا ژی کر:" دووڤ بەرنامێ حکومەتا ئەلمانیا دێ بۆ ماوەیەکێ دەست نێشانکری ئەڤ ھژمارا کچ وژنان ل ئەلمانیا مینن بۆ وەرگرتنا چارەسەری ئەم داخوازی دکەین ھەموو دەولەتێن جیھانی ھەڤکاریا کچ وژنێن ئێزدی بکەن یێن ژدەستێن تیرۆرستان رزگاربووین بۆ چارەسەری".












باسنیوز