ئەمڕۆ دووشەممە لەسنووری بەڕێوەبەرایەتیی پەروەردەی رواندز، دەستکراوە بەپێدانی پارەی ھاندان بەسەر مامۆستایانی سنوورەکە.

سەدیق سەعید، بەرپرسی راگەیاندنی بەڕێوەبەرایەتیی پەروەردەی رواندز،رایگەیاند: "ھەوڵەکانی حکوومەت، وەزارەتەکەمان و لایەنە پەیوەندیدارەکان بەردەوامە، بۆ دابینکردنی مووچەو مافەکانی مامۆستایان، ئەمڕۆ دووشەممە 3/7/2017 دەستکراوە بە پێدانی پارەی مانگی شوباتی 2017 ی ھاندانی مامۆستایان".

بەرپرسی راگەیاندنی بەڕێوەبەرایەتیی پەروەردەی رواندز، ئەوەشی خستەڕوو: "داواکارین لە بەڕێوەبەری قوتابخانەکانی سنوورەکەمان، سەردانی بەڕێوەبەرایەتیی پەروەردەی رواندز بکەن، بە مەبەستی وەرگرتنی چەکی پارەی ھاندانی مامۆستایان".










باسنیوز