شەوی ڕابردوو چەكدارانی ڕێکخراوی توندڕەوی داعش هێرشیان كردە سەر سەنگەرەكانی هێزی پێشمەرگەی كوردستان لە ناوچەی زەرگە لە ڕۆژئاوای قەزای خورماتوو، بەڵام هێرشەكەیان لەلایەن هێزەكانی پێشمەرگەوە تێكشكێندراوە.



ئەحمەد شێخ لەنگەری بەرپرسی ناوچەی خورماتووی پارتی دیموكراتی كوردستان، ڕاگەیاند : شەوی ڕابردوو چەكدارانی ڕێكخراوی داعش لە ناوچەی زەرگەی ڕۆژئاوای قەزای خورماتوو، هێرشیان كردووەتە سەر سەنگەرەكانی هێزی لیوای پێنجی بەرگری و فریاكەوتن و پاش بەرگرییەكی زۆر تەواوی هێرش و پەلامارەكانیان تێكشكێندراوە".



هاوكات محەمەد فایەق، بەرپرسی ڕاگەیاندنی قایمقامیەتی قەزای خورماتوو ڕاگەیاند :لە ئەنجامی هێرشەكەی چەكدارانی داعش بۆ سەر سەنگەرەكانی هێزی پێشمەرگەی كوردستان لە ناوچەی زەرگەی ڕۆژئاوای قەزای خورماتوو ئەفسەرێك بە پلەی ڕائید و 3 پێشمەرگەی تر بریندار بوون، بەڵام هەموویان برینەكانیان سووكە و باری تەندروستییان جێگیرە".










باسنيوز