بەرپرسێ لقا هەشت یێ پارتى دیموکراتى کوردستان ل زاخۆو ئەندامێ سەرکرداتیا وێ پارتێ راگەهاند، پارتی بۆ بەرژه‌وەندیا گشتی ئامادە بوو هەموو هێلەکا سور لسەر بزاڤا گۆڕان هەلبگریت بۆ هندێ جەماوەرێ کوردستانێ پشت راست ببیت کو ب چ رەنگان بزاڤا گۆڕان بۆ بەرژه‌وەندیا گەلێ کورد ناهێتە رایێ.

(د.عەلى تەتەر نێروەیى)، بۆ مالپەرێ فەرمیێ پارتى دیموکراتى کوردستان گۆت،'' ئارمانجا وان ژ کاراکرنا پەرلەمانێ بتنێ تێکدانا ناڤ مالا کوردیە و باشترە بێژین پێدڤیە لایەنێن کو دگەل چارەسەری و ڤەکرنا گریێن کێشێن کوردستانێ نە ب زووترین دەم پەرلەمانێ کوردستانێ کارا بکەن؛ چونکە بێی گۆڕان دونیا خراب نابیت بەلکو گەلێ مە هەموو دێ بێهنا خۆ ڤەدەت ژ دەستێ ڤان دژه‌ سەربەخۆییا کوردستانێ دا.''

بەرپرسێ لقێ هەشت یێ پارتی ل زاخۆ ئەو چەندە ژی گۆت، ''د وێ باوەرێداینە کو پشکەکا مەزن ژ جەماوەرێ کوردستانێ کو پێتشر دەنگێ خۆ دا بوونە بزاڤا گۆڕان، دێ پشکداری ریفراندۆمێ بن و دەنگێ (بەلێ) دەنە سەربەخۆییا کوردستانێ و ناکەڤنە تەپکا سەرکردایەتیا گۆڕان و دوژمنێن سەربەخۆییا کوردستانێ و تا رۆژا ریفراندۆمێ، پێدڤیە پەیام و پروژێ مە هەموویان یەکرێزی و تەبایی و برایینی و بزاڤا نێزیکبوون و لێک تێگەهشتنێ بیت دناڤ هێزو لایەنێن سیاسییدا، هەر وەسا دگەل ریفراندۆمێ هەر کەس و لایەن و شار و دەڤەرەک دێ ڕول و دەورێ خۆ د دیرۆکا کوردستانێدا تومار کەت و بریارا خۆ دەت، بریارا سەربەرزی و نیشتمانپەروەی یان بریارا ڕوورەشی و شەرمەزاریا هەتاهەتایی.''

kdp-