بەرپرسی ڕاگەیاندنی بەڕێوەبەرایەتیی گشتیی گەشتوگوزاری گەرمیان، ئاماژە بەوە دەدات کە تەنیا لە ڕۆژانی جەژندا زیاتر لە 200 ھەزار گەشتیار سەردانی ناوچە گەشتیارییەکانی سنووری ئیدارەی گەرمیان کردووە.



ئەمڕۆ پێنجشەممە 29/6/2017 ئەنوەر عەبدولقادر، بەرپرسی ڕاگەیاندنی بەڕێوەبەرایەتیی گشتیی گەشتوگوزاری گەرمیان، لە کۆنگرەیەکی ڕۆژنامەوانیدا ڕای گەیاند: "تەنیا لە ڕۆژانی جەژنی ڕەمەزاندا 283 ھەزار و 23 کەس سەردانی ناوچە گەشتییارەییەکانی سنووری ئیدارەی گەرمیانیان کردووە".



بەرپرسی ڕاگەیاندنی بەڕێوەبەرایەتیی گشتیی گەشتوگوزاری گەرمیان، ئەوەشی خستەڕوو: "ڕێژەی گەشتیار لە جەژنی ڕەمەزانی ساڵی 2016دا 5 ھەزار و 638 کەس بووە".



گوتیشی: "بەشێکی زۆر لەو گەشتیارانەی سەردانی سنوورەکەیان کردووە، عەرەب بوون، تەنیا 680 گەشتیاری فارس لە سنووریی نێودەوڵەتی پەروێزخانەوە ھاتوونەتە ناو خاکی ھەرێمی کوردستان".
BAS NEWS-