ئەفسەرێ بنگەھێ بەرەڤانیا باژێرێ ل شێلادزێ راگەھاند: "ئەڤرۆ گەنجەکێ د ژیێ (16) سالیێ دا د ناڤا رویبارێ (زیێ مەزن) دا خەندقی و ھەتا نوکە لاشێ وی نەھاتیە دەرئێخستن ژ رویباری".

سەردار بەلو ئەفسەرێ بنگەھێ بەرەڤانیا باژێرێ ل شێلادزێ بو دیارکر: "ئەڤرۆ ل رێکەفتی 27/6/2017 ل رۆژا سیێ یا جەژنا رەمەزانا پیرۆز، خەلکێ گوندێ (ھلورا) سەر ب ناحیا شێلادزێ ڤە ئەم ئاگەھدار کرینە کو ل دەمژمێر (10:00) سپێدێ گەنجەکێ د ژیێ (16) سالیێ دا ب ناڤێ (مێھڤان نەجمەدین عزەت) د ناڤا رویبارێ زیێ بچوک دا ل سنورێ ناحیا شێلادزێ دەما د ئەنجامدانا مەلەڤانیان خەندقی یە و ھەتا نوکە لاشێ وی ژ رویبارێ نەھاتیە دەرئێخستن".

ئەفسەرێ بنگەھێ بەرەڤانیا باژێرێ ل شێلادزێ ئەو چەندە ژی گوت: "ئەو گەنجە دگەل باب و برایێن خو ب مەرەما چاڤدێریا بەرھەمێن خو یێن ھاڤینی وەکە دروینا دەخلی، قەستا ناڤ ئاقارێن خوە کربو لێ دەما دەمژمێر بویە (10:00) ژ بەر بلندبوونا پلێن گەرمێ ئەوی گەنجێ ب ناڤێ (م.ن.ع) کو خەلکێ گوندێ ھلورا یە قەستا سەر لێڤێن رویبارێ زیێ مەزن کریە لێ د دەما ئەنجامدانا مەلەڤانیان ژ ئەگەرێ ھەبونا جھێن مەترسی ل ناڤا رویبارێ زیێ مەزن ئەو گەنجە خەندقی یە".

سەردار بەلو ئەفسەرێ بنگەھێ بەرەڤانیا باژێرێ ل شێلادزێ ئاماژە ب وێ چەندێ ژی دا: "ھەر د دەما دروستبونا رویدانێ تیمێن مە یێن لێگەریانا لاشان دناڤا رویباران دا ھەر ب زوی گەھشتنە جھێ رویدانێ لێ ب مخابنی ڤە ھەتا نوکە لاشێ وی گەنجی نەھاتیە دیتن و دێ تیمێن مە بەردەوام ل سەر رویبارێ زیێ مەزن بن تا کو لاشێ وی ژ رویبارێ دەر د ئێخن".
bas news-