نێچیرڤان بارزانی : هیوادارم جهژن و بۆنهكانی داهاتوو له دۆخێكی باشتر بكهینهوه
پهیامهكهی سهرۆك وهزیرانی ههرێمی كوردستان وێنهیهكی نێردراوه و لهبهشێكیدا هاتووه "هیوادارم ئهم جهژنه وهك چۆن له ژیانى ئایینى و كۆمهڵایهتیدا جهژنى ئاشتهوایى و پێكهاتنهوهیه، له ههموو ڕوویهكانى دیكهشهوه ببێته هاندهر و ههڵگرى ئاشتى و تهبایى و یهكڕیزى و كارى پێكهوهیى لهپێناو تێپهڕاندنى قهیرانهكان و چارهسهركردنى ههموو كێشهكان و ههموومان جهژن و یاد و بۆنهكانى داهاتوو له دۆخێكى باشتر و له كوردستانێكدا بكهینهوه كه تهواوى مافه ڕهواكانى گهلى كوردستانى تیادا بهدى هاتبێت".
ئهمهی خوارهوه دهقی پهیامهكهی نێچیرڤان بارزانی سهرۆكوهزیرانی ههرێمی كوردستانه:
جهژنى ڕهمهزان سهرهتا له خانهوادهى سهربهرزى شههیدانى نهمرى كوردستان و پێشمهرگه قارهمان و گیانفیداكانى، ئینجا له ههموو خوشك و برایانى موسڵمانى كوردستان و تهواوى جیهان پیرۆز دهكهم، هیواى جهژنێكى شاد و پشوویهكى ئارامیان بۆ دهخوازم.
لهم جهژنهدا بهوپهڕى شكۆدارى و پێزانینهوه یادى ئازیزان، ئهو شههیده نهمرانه دهكهینهوه و سهرى ڕێز و نهوازشیان بۆ دادهنوێنین كه مهردانه گیان و خوێنى خۆیان به كوردستان و پاراستنى گهلهكهمان بهخشى تاكو ڕۆڵهكانى كوردستان له ئارامیدا بژین و له سایهى قارهمانیهتى و قوربانیدانى ئهوانهوه بهرهو ئایندهیهكى گهشتر ههنگاو بنێن.
هیوادارم ئهم جهژنه وهك چۆن له ژیانى ئایینى و كۆمهڵایهتیدا جهژنى ئاشتهوایى و پێكهاتنهوهیه، له ههموو ڕوویهكانى دیكهشهوه ببێته هاندهر و ههڵگرى ئاشتى و تهبایى و یهكڕیزى و كارى پێكهوهیى لهپێناو تێپهڕاندنى قهیرانهكان و چارهسهركردنى ههموو كێشهكان و ههموومان جهژن و یاد و بۆنهكانى داهاتوو له دۆخێكى باشتر و له كوردستانێكدا بكهینهوه كه تهواوى مافه ڕهواكانى گهلى كوردستانى تیادا بهدى هاتبێت.
دووباره جهژن له ههمووان پیرۆز بێت، ههموو ساڵێك به خۆشى، ههر له كامهرانیدا بن.
نێچیرڤان بارزانى
سهرۆك وهزیران ههرێمى كوردستان
bas news-
