دوای ئه‌وه‌ی له‌لایه‌ن ده‌سته‌ی پاراستن و چاككردنی ژینگه‌وه‌ ئاشكراكرا كه‌ هۆكاری سه‌ره‌كی ئه‌و بۆنه‌ ناخۆشه‌ی كه‌ ماوه‌ی دوو هه‌فته‌یه‌ دانیشتووانی شاری هه‌ولێری هه‌راسان كردووه‌ بوونی پاڵاوگه‌ی نایاساییه‌ به‌بڕیارێكی قایمقامیه‌تی هه‌ولێر هه‌شت پاڵاوگه‌ی نایاسایی داخران.



دوێنێ شه‌و له‌ هه‌ڵمه‌تێكی لیژنه‌ هاوبه‌شه‌كانی قایمقامیه‌تی هه‌ولێر به‌هاوكاری هێزی پێشمه‌رگه‌ی زێره‌ڤانی و پۆلیسی شاره‌وانی هه‌شت پاڵاوگه‌ی نایاسایی له‌ ده‌وروبه‌ری شاری هه‌ولێر داخراون.



لوقمان شێروانی گوته‌بێژی ده‌سته‌ی پاراستن وچاككردنی ژینگه‌ی هه‌رێمی كوردستان گوتی: " ئه‌و هه‌شت پاڵاوگه‌یه‌ی دوێنێ شه‌و سێشه‌ممه‌ داخراون هۆكاربوون بۆ بڵاوبوونه‌وه‌ی بۆنی ناخۆش و غازی مه‌ترسیدار".



گوتیشی: "ێژنه‌یه‌كیش پێكهاتووه‌ بۆ به‌دواداچوون بۆ گازی مۆلیده ئه‌هلیه‌كان تا گازی باشتر به‌كاربێنن تا كاریگه‌رییان كه‌متر بێته‌وه‌ له‌سه‌ر پیسبوونی ژینگه‌ی شاری هه‌ولێر".


bas news-