رێڤەبەرێ گشتی یێ ساخلەمیا پارێزگەھا دھۆکێ، دیارکرکو ئەڤرۆ 18/6/2017 گریبەستەک دگەل وەلاتی ئیتالیا بۆ چێکرنا تاقیگەھا نەخۆشخانا ھاوار ھاتنی ل زاخۆ ھاتە ئێمزا کرن، ب کوژمێ پێنچ ملیون یۆرویان حکومەتا ئیتالیان پرۆژەیێن ساخلەمیێ ل دھۆکێ بجە دئینت.



د. نزار عیسمەت تەیب، رێڤەبەرێ گشتی یێ ساخلەمیا پارێزگەھا دھۆکێ، دیارکر: "کونسولی گشتی وەلاتی ئیتالیا ھەرێما کوردستانێ سەرا ساخلەمیێ دھۆکێ کر وچەندین دان وستاندن ل سەر وان پرۆژان ھاتنە کرن یێن پشتەڤانیا حکومەتا ئیتالیا ل پارێزگەھا دھۆکێ دھێنە بجە ئێنان ل کەرتی تەندروستی ژوانا پشتەڤانیا ساخلەمیا دایک وزارۆکان و پشتەڤانیا وان کەسێن تووشی نەخۆشین خۆینی دبن ھەروەسا ژی پشتەڤالنیا قەیرانی".



خۆیا ژی کر: "شاندی وەلاتی ئیتالیا ژ نێزیک تەماشەی وان پرۆژان کرن یێن دھێنە دروستکرن ل نەخۆشخانا ھێڤی یا زارۆکان رێکەڤتن دگەل رێکخراوا ئیسپو یا ئیتالیی ھاتە مۆرکرن بشین تاقیگەھا نەخۆشخانا ھاوار ھاتنی ل زاخۆ دروست بکەن و بەری نوکە ژی چەندین پرۆژەیێن ساخلەمیێ ل قەزا ئاکرێ و سیمیل و ناڤ باژێری دھۆک بجە ئیناینە".



د. نزار عیسمەت تەیب، گۆت:" ئەڤە ماوی نیزیکێ سی سالن حکومەتا ئیتالیا پشتەڤانیا ساخلەمیا دھۆکێ ھەتا نوکە ب کوژمێ دۆرین پێنچ ملیون یۆرویان پرۆژەیێن ساخلەمیێ ل دھۆکێ دروستکرینە وبەردەوام ژێ پشتەڤانیێ کەرتی ساخلەمیێ دکەن".

bas news-