سەرۆکایەتیی ئەرکانی سوپای تورکیا رایگەیاندووە، کە سوپا وڵاتەکەی 16 چەکداری پارتی کرێکارانی کوردستان (پەکەکە)ی لە باشوور و باکووری کوردستان کوشتووە.

بەپێی بەیاننامەیەکی سەرۆکایەتیی ئەرکانی سوپای تورکیا، کە رۆژی یەکشەممە 18.6.2017 بڵاوی کردووەتەوە، فڕۆکە جەنگییەکانی سوپای تورکیا 11 چەکداری پەکەکەیان لە ناوچەی زاپ لە باشووری کوردستان کوشتووە.

سەرۆکایەتیی ئەرکانی سوپای تورکیا هەروەها رایگەیاندووە، کە بەهۆی شەڕی نێوان سوپای تورکیا و پەکەکە لە شەوی شەممە 17.6.2017 لە هەکاری لە باکووری کوردستان، پێنج چەکداری پەکەکە کوژراون.

هەروەها هێزەکانی پاراستنی گەل (هەپەگە)ی سەربازیی پەکەکە رایگەیاندووە، کە لە شەڕەکانی نزیک هەکاریدا، لانی کەم 30 سەربازی تورکیا کوژراون و فڕۆکەیەکی سەربازیی سوپای تورکیاش پێکراوە.














باسنيوز