به‌رپرسێ په‌یوه‌ندى و راگه‌هاندنێ ل رێڤه‌به‌ریا پولیسێن پارێزگه‌ها دهۆكێ، دیاركركو ئه‌و دزى 13 مالێن وه‌لاتیان ل كۆمه‌لگه‌ها دومیز سه‌ر پارێزگه‌ها دهۆكێ ڤه‌ شه‌لاندین وهه‌ژماره‌كا پاره‌ وموبایل و زێر و قاسین خه‌لكێ هاته‌ ده‌سته‌سه‌ركرن.

رائێد هێمن سلێمان، به‌رپرسێ په‌یوه‌ندى و راگه‌هاندنێ ل رێڤه‌به‌ریا پولیسێن پارێزگه‌ها دهۆكێ،دیاركر:" پشتى كه‌سه‌ك سكالاك تۆماركرى مالا وێ هاتیه‌ شه‌لاندن پولیسَین دهۆكێ ل كۆمه‌لگه‌ها دومیز ده‌ست ب ڤه‌كۆلینێ كرن شیان ده‌مه‌كێ كێمدا تاوانباره‌كى ده‌ست نیشان بكه‌ت دووڤ بریارا دادوه‌رى ڤه‌كۆلینێ هاته‌ ده‌سته‌سه‌ركرن ودانپێدان ب تاوانێن خوه‌ كر ل دووڤ به‌ندى 443 ژیاسایێن سزایێن عێراقى دهێته‌ سزادان".



خۆیا ژى كر:" ڤێ دزى ب شه‌ڤ مالێن وه‌لاتیان شه‌لاندینه‌ پولیسان ل ده‌مژمێر حه‌فت ب شه‌ڤ دناڤ ماله‌كێ دا ده‌سته‌سه‌ركر وێ تاوانبارى دانپێدانا ل سه‌ر 13 كارێن دزى كریه‌ لێ نه‌شیا ژ یاساى رزگاربیت هاته‌ ده‌سته‌سه‌ركرن بۆ دادگه‌هى هاته‌ ره‌وانه‌كرن".
bas news-