به‌پێی ڕاگه‌یاندراوێكى ڕاگه‌یاندنى به‌ڕێوه‌به‌رایه‌تى پۆلیسی گه‌رمیان، سه‌ر لە به‌یانی ئه‌مڕۆ (دووشەمە 12/ 6/ 2017) بەسەرپەرشتی قایمقامی کەلار و ئامادەبوونی بەڕێوەبەری په‌روەرده‌ی کەلار و بەڕێوەبەری بەشی پۆلیسی که‌لار و کارەبای که‌لار و هاتووچۆی ناوشار و پۆلیسی ١٠٤ى نێوشار، کۆبوونه‌وه‌یه‌ک به‌مه‌به‌ستی ئامادەکاری بۆ تاقیکردنەوەکانی کۆتایی ساڵ، که‌ بڕیارە له‌ 14 و 15 ی ئه‌م مانگه‌دا، بۆ هەردوو ئاستی بنەڕەتی و ئامادەیی به‌ڕێوه بچێت.

لەوکۆبوونەوەیەدا بڕیاردرا، پۆلیس و ئاسایشی کەلار ئه‌رکی پاراستنی هۆڵه‌کانی تاقیکردنەوە و پاراستنی کارەبای قوتابخانه‌کان لەئەستۆبگرن.

هه‌روه‌ها بڕیار دراوه‌، كه‌ هاتوچۆی نێو شار رێگه‌ بە وه‌ستانی ئۆتۆمبێل و ماتۆڕسکیل نه‌ده‌ن لە دەروبەری هۆڵه‌کانی تاقیکردنەوە، بوه‌ستن.

له‌ كۆبوونه‌وه‌كه‌دا، بڕیارى ئه‌وه‌ش دراوه‌، كه‌ فه‌رمانگه‌ى کاره‌بای که‌لار بە پێی توانا هه‌وڵی دابینکردنی کاره‌بای به‌رده‌وام بۆ ئه‌و گه‌ڕه‌کانه‌ بدات، که‌ تاقیکردنەوەی تێدا ئه‌نجام ده‌درێت.
bas news-