پەرلەمانتارێک دەڵێت: "ڕەنگە بەم نزیکانە دادگایی نووری مالیکی سەرۆکی حزبی دەعوە بجوولێنرێت و لە هەر ئەگەرێکدا سەفەر لە نووری مالیکی قەدەغە دەکرێت".



فارس بریفکانی، ئەندامی ئەنجومەنی نوێنەرانی عێراق گوتی: "کەیسی نووری مالیکی لەسەر کەوتنی مووسڵ دەجووڵێندرێت و ڕەنگە بەم نزیکانە ڕێکارەکان بگیرێتەبەر و لە هەر ئەگەرێکدا کە بانگی دادگا و ئەنجومەنی نوێنەرانی عێراق بکرێت و ئاگاداری سەرجەم فڕۆکەخانەکان دەکرێتەوە سەفەری لێ قەدەغە بکرێت".


هاوکات ئەیاد کاکەیی، سەرۆکی لقی هەولێر سەندیکای پارێزەرانی کوردستان گوتی: "ئەستەمە مالکیی خۆی بەدەستەوە بدات، بۆیە دەبێت لێژنەیەکی باڵا لەو بارەوە پێکبهێنرێت و ناچار بکرێت وردەکاریی کەوتنی مووسڵ ئاشکرا بکات".



باسنيوز