به‌ هۆی بوونی ژماره‌یه‌كی زۆر حاڵه‌تی خنكان له‌ كاتى مه‌له‌كردندا له‌ ڕووبارى گه‌لی عه‌لى به‌گ، مه‌له‌كردن له‌و ڕووباره‌دا قه‌ده‌غه‌ كرا.



به‌پێی نوسراوێك كه‌ ئه‌مڕۆ یه‌كشه‌ممه‌ (11-6-2017) بڵاوكراوه‌ته‌وه‌ و واژووی قایمقامی شارۆچكه‌ى سۆرانى له‌ سه‌ره‌ و كه‌وتووه‌ و تێیدا هاتووه‌" ساڵانه‌ له‌ ده‌روازه‌ى بێخاڵ تا پردى دووه‌مى گه‌لى عه‌لی به‌گ خه‌ڵك به‌ خنكان گیان له‌ ده‌ست ده‌ده‌ن و ده‌ركه‌وتووه‌ ئه‌و شوێنه‌ بۆ مه‌له‌كردن گونجاو نییه‌".



له‌به‌شێكی دیكه‌ی نووسراوه‌كه‌ ئاماژه‌ به‌ كۆمه‌ڵێك بریاردراوه‌ كه‌ ئه‌مانه‌ی خواره‌وه‌ن:-

1-مه‌له‌ له‌ ده‌روازه‌ى بێخاڵ تا پردى دووه‌مى گه‌لی عه‌لی به‌گ قه‌ده‌غه‌ بكرێت تابلۆی مه‌له‌نه‌كردن هه‌ڵبواسن به‌ هاوكارى به‌ڕێوه‌به‌رایه‌تى گه‌شت و گوزارى سۆران.

2-مه‌فره‌زه‌یه‌كى به‌رده‌وام و هه‌وڵ بۆ كردنه‌وه‌ى بنكه‌یه‌ك بدرێ له‌و شوێنه‌ بۆ چاودێری جێبه‌جێكردنى ئه‌و بڕیاره‌.

3- له‌ ڕاگه‌یاندنیش ئه‌و بڕیاره‌ ڕابگه‌یه‌نرێت.

bas news-