بەرپرسی نووسینگەی ڕزگارکردنی کوردانی ئێزدی لە دەستی داعش گوتی، ئێوارەی ئەمڕۆ توانیویانە لە مووسڵ کچێکی دیکەی پێنج ساڵانی کوردی ئێزدی لە دەستی داعش ڕزگار بکەن.

(حوسێن قایدی) بە ماڵپەڕی فەرمیی پارتی دیموکراتی کوردستانی ڕاگەیاند: ''ئێوارەی ئەمڕۆ بە ھەوڵی نووسینگەکەمان و ھێزە ئەمنییەکانی دھۆک توانیمان منداڵێکی دیکەی کچ، کە تەمەنی پێنج ساڵانە لە دەستی داعش ڕزگار بکەین و بە کەسوکاری شاد بکەینەوە.''

(حوسێن قایدی) گوتی: ''ئەو کچە نیزیکەی سێ ساڵە لە دەستی داعشدایە و ١٥ کەسی دیکەی خێزانەکەیشی لە دەستی داعشدا ماون و ئەمڕۆ توانیمان ئەو کچە ڕزگار بکەین.''

(قایدی) گوتیشی: ''بە ڕزگارکردنی ئەو منداڵە پێنج ساڵانەیە، تا ئێستا ٣ ھەزار و ٢٤ کەس لە دەستی داعش ڕزگار کراون.''
kdp-