شڤێدی ژ ئەگەرێ د خەو چوونا کرێکارێ پرۆژەیەکێ مریشکان ل دەڤەرا (بارزان) ھەمی مریشکێن پرۆژەیەکێ ژەھراوی بونە و (تەنگە نەفەس) بو دروست بویە پاشان ھەمو ئەو مریشکە مرینە و ژ ناڤ چونە.

ئێحسان بازی، خودانێ پرۆژێ مریشکێن ئەیمەن ل گوندێ (بازێ) سەر ب دەڤەرا بارزان ڤە گوت: "شڤێدی ژ ئەگەرێ نڤستن و د دخەو چونا کرێکارێ پرۆژێ مریشکێن مە ، ھەمی ئەو مریشکە ژەھراوی بونە و ژ ناڤ چونە".

ناڤبری بو (باسنیوز) ئەو چەندە ژی دیارکر: "ل دەمژمێر (3) شڤێدی ئەو کرێکارە نڤست بو و پاشان کارەبا پرۆژەی ھاتو برین نەمابو و بوم اوێ (3) دەمژمێران پرۆژێ مریشکان مابو بێ (کارەب) و ئەڤ چەندە بو ئەگەر کو پلا گەرمێ دناڤ پرۆژەی دا بلند ب بیت و ئەو ھەمو مریشکە ب مرن چونکە دناڤا پرۆژەی دا سیستەمێ غازێ دھێتە بکار ئینان لەورا دەما کارەب ھاتیە برین، پلا گەرماتیێ بلند بو و ھەوایێ سار و فێنک دناڤ پرۆژەی دا نەما و بو ئەگەر سەرجەم مریشکێن پرۆژێ مە ژ ناڤ بچن".

ئێحسان بازی خودانێ پرۆژەی بەحسێ زیانێن بەر پرۆژەی کەفتین ئاشکرا کر: "زیانێن مەزن گەھشتنە پرۆژێ من یێ مریشکان و نێزیکی (40) ملیون دیناران زیان گەھشتیە پرۆژێ من ھەر ژ کرینا مریشکان و سەخبێریکرنا پرۆژەی دا و ئەز ب رێکا (باسنیوز) داخازێ ژ حکومەتا ھەرێما کوردستانێ و جھێن پەیوەندیدار دکەم کو ھاریکاریا من بکەن تا کو ئەز بشێم جارەکا دی پرۆژێ خو یێ مریشکان ئاڤەدان بکەم".

پرۆژێ مریشکێن ئەیمەن دکەڤیتە گوندێ بازێ سەر ب دەڤەرا بارزان ڤە ل رۆژئاڤایێ دەڤەرا بارزان ئەو پرۆژە ل دەشتا ھەردانا یێ دروستکری بو و وەکە خودانێ پرۆژی بو باسنیوز دای دیارکرن ژ ئەگەرێ نڤستنا کارمەندێ ئەوی پرۆژەی نێزیکی (40) ملیون دیناران زیان گەھشتنە پرۆژێ وی یێ مریشکان.
bas news-