بەرپرسێکی بەڕێوەبەرایەتسی ئاسایشی ڕاپەڕین، ئاشکرای کرد کە کەسێکیان دەستگیر کردووە ویستویەتی لەناو گوڵەبەڕۆژە، مادەی ھۆشبەر بۆ ھاوڕێیەکی ببات.

محەمەد فازل، لێپرسراوی ڕاگەیاندنی ئاسایشی ڕاپەڕین ڕایگەیاند: "ھێزەکانمان توانیان کەسێک دەستگیر بکەن کە لەکاتی سەردانیکردنی ھاووڵاتیان بۆ لای کەسوکارە زیندانی و راگیراوەکانیان، ویستبووی لە ڕێگای گوڵەبەڕۆژەوە مادەی ھۆشبەر بگەیەنێتە زیندانیکراوێک".

لێپرسراوی ڕاگەیاندنی ئاسایشی ڕاپەڕین، ئەوەشی خستەڕوو: "دوای پشکنینی تایبەتی لەلایەن کارمەندانی بەشی زیندانی بەڕێوەبەرایەتیی ئاسایشی راپەڕینەوە، توانرا ھەوڵی تۆمەتبارەکە ئاشکرا بکرێت و بڕێک مادەی ھۆشبەر ببینرێتەوە لەناو دەنکی گوڵەبەڕۆژەدا و تۆمەتبارەکە دەسگیر بکرێت".

ئەوەشی روون کردەوە: "لەئێستا تۆمەتبارەکە بەفەرمانی دادوەری دادگای لێکۆڵینەوەی رانیە راگیراوە، پەڕاوی لێکۆڵینەوەی بۆ کراوەتەوە".













باسنیوز