سەرۆکی پارتی گەلی تورکمانی، ڕایدەگەیەنێت کە بڕیاری بەشداریکردنی ھاووڵاتیانی ناوچە کوردستانییەکانی دەرەوەی ئیدارەی ھەرێمی کوردستان لە ریفراندۆم، بڕیارێکی گرنگ بوو.

عیرفان کەرکووکلی، سەرۆکی پارتی گەلی تورکمانی، کە ھاوکات ئەندامی ئەنجوومەنی پارێزگای کەرکووکە، ڕایگەیاند: "کۆبونەوەکەی دوێنێ چوارشەممە 7/6/2017 سەرۆکی ھەرێمی کوردستان، لە گەڵ لایەنە سیاسییەکان، کۆبونەوەیەکی مێژووی بوو، لە بەر ئەوەی رۆژێکیان دەستنیشان کرد بۆ ئەنجامدانی ریفراندۆم بۆ سەربەخۆیی باشووری کوردستانی".

سەرۆکی پارتی گەلی تورکمانی، ئەوەشی خستەڕوو: "بڕیاری بەشداریکردنی ھاووڵاتیانی ناوچە کوردستانییەکانی دەرەوەی ئیدارەی ھەرێمی کوردستان لەو ریفراندۆمەدا گرنگ بوو".

دوێنێ چوارشەممە، لە پیرمام، سەرۆک بارزانی، بۆ تاووتوێکردنی پرسی ریفراندۆم و لە گەڵ لایەنە سیاسییەکانی ھەرێمی کوردستان کۆبوەوە و لەو کۆبونەوەدا بڕیاردرا رۆژی 25/9/2017یان دەستنیشان بکرێت بۆ ئەنجامدانی ریفراندۆم، لە بڕیارەکەدا ریفراندۆم ناوچە کوردستانییەکانی دەرەوەی ئیدارەی ھەرێمی کوردستانیش دەگرێتەوە.













باسنیوز