نوونەرێ کوردێن ئێزدی ل پەرلەمانێ کوردستانێ، دیارکرکو بریارا ئەنجامدانا رێفراندۆمێ بۆ سەربەخۆیا کوردستانێ ل دەڤەرێن دەرڤەی ئێدارا ھەرێما کوردستانێ بتایبەتی ھێڤی وئومیدێن کوردێن ئێزدی گەش کرن.

شێخ شامو، نوونەرێ کوردێن ئێزدی ل پەرلەمانێ کوردستانێ، دیارکر: "کوردێن ئێزدی دگەلدانە رێفراندۆم بۆ سەربەخۆیا کوردستانێ بھێتە کرن چونکو رێفراندۆم کلیلا چارەسەریا ئیش و ئازارێن کوردێن ئێزدی یە دێ ئێزدی خوە غەدر و کارەسات و قیرکرن و فەرمان قورتال کەن ب ریێا دەنگدانێ رێفراندۆمێ بۆ سەربەخۆیا کوردستانێ".

خۆیا ژی کر: "نوکە ئەم دەم ھات دەست ب ھوشیاریا خەلکێ بھێتە کرن بۆ پێشکداریکرنێ د رێفراندۆمێ دا چونکو دوژمن دێ پلانێن خوە چر ترکەن بتایبەتی ل دەڤەرێن کوردێن ئێزدی نەخاسمە شنگال پێدڤیە کوردێن ئێزدی ژێ ئاگەھداری پینگاڤیێن دوژمنان بن بزان نکا مالیکی دکارەساتا شنگالێ دا چ کریە و نوکە چ کریە بۆ ئێزدیان".

شێخ شامو، گۆت:" ئەو گرۆپ ولایەنێن دەرکی یێ بۆ تێکدانا رەوشا ئێزدیان ھاتینە شنگال پێدڤیە مجاملی ل سەر چارەنڤیسی ئێزدیان نەکەن چونکو ئەو گرۆپ ولایەن دژی ئێزدیان کاردکەن وان بەرژوەندیا کوردێن ئێزدی نەڤیت یا گرنگە خەلکی مە ژێ دھشیاربن وبریاری ل سەر چارەنڤیسی خوە بدەن".













باسنیوز