رێڤەبەرێ نڤیسینگەھا رزگارکرنا رەڤاندیێن ئێزدی، دیارکرکو رێکخراوا تێرۆرستێن داعش کچ وژن و زارۆیێن ئێزدی بۆ رەقە ڤەگوھاستینە ئەم ھەولێن بەردەوام داینە بۆ رزگارکرنا رەڤاندیێن ئێزدی.



حسێن قائێدی، رێڤەبەرێ نڤیسینگەھا رزگارکرنا رەڤاندیێن ئێزدی، دیارکر: "ھەتا نوکە پتر ژ 3400 رەڤاندیێن ئێزدی دەستێن داعشدا ماینە پتریا وان ژێ بۆ وەلاتی سوریا باژێری رەقە یێن ھاتێنە ڤەگوھاستن دووڤ زانیاریان ھەر دەمێ ئوپەراسیۆنا رزگارکرنا مووسلێ دەستپێکری تیرۆرستێن داعش دەست ب ڤەگوھاستنا رەڤاندیێن ئێزدی کر بۆ رەقە".



قائێدی، ئەوژی دیارکر: "ھەولدان بەردەوام دھێنە کرن پشتەڤانیا نڤیسینگەھا سەرۆکێ حکومەتا ھەرێما کوردستانێ بۆ رزگارکرنا رەڤاندیێن ئێزدی ل ھەر جھەکێ بن ئەم ھەولدەن رزگاربکەین ھەتا نوکە ژێ پتر ژ 3000 ھزار رەڤاندیان یێن ھاتێنە رزگارکرن".



سەردەمێ حکومەتا نووری مالیکی سالە 2014 کوردێن ئێزدی ل شنگال تووشی مەزنترین کارەسات بوون ل رۆژا 3/8/2014 پتر ژ 7 ھزار کوردێن ئێزدی ھاتنە کوشتن و گرتن و رەڤاندن و بیێ سەروشینکرن ژلایێ تیرۆرستێن داعش.

bas news-