رێڤەبەرێ‌ شەهید و ئەنفالكریان ل پارێزگەها دهۆكێ‌، دیاركر كو مۆنۆمێنتێ‌ ئەنفالان ل مەزنترین گۆرەپانا بەغدا دێ‌ هێتە دانان بۆ وی یەكی هەر كەسەكێ‌ قەستا بەغدا بكەت، ببینت چ بسەری مللەتی كورد هاتیە.



رەجەب ئیبراهیم جاسم، رێڤەبەرێ‌ شەهید و ئەنفالكریان ل پارێزگەها دهۆكێ‌،دیاركر: "بەغدا رەزامەندی ل سەر دروستكرنا مۆنۆمێنتێ‌ ئەنفالان ل بەغدا كریە بتنی مایە پەرلەمنتارێن كورد ل بەغدا دوڤچوونی ل سەر بجه ئێنانا بریارا بەغدا بكەن دێ‌ گۆرپانەكا مەزندا هێتە دانان ل سەر روبەرەكێ‌ مەزن هەر كەسەكێ‌ قەستا بەغدا بكەت وێ‌ مۆنۆمێنتێ‌ ببینت بزانت چ بسەری مللەتی كورد هاتیە".



خۆیا ژی كر: "رێكخراوێن ئەنفالان و لایەنێن پەێوەندار ل دهۆكێ‌ و هەرێما كوردستانێ‌ دێ‌ دێزاینی مۆنۆمێنتێ‌ ئەنفالان دروست كەن بەری نوكە مە پیشنیاز كربوو ئەڤ مۆنۆمێنتێ‌ ئەنفالان بهێتە دروستكرن ل بەغدا و پەرلەمانێ‌ عێراقی پیشنیازا مە پەسەندكریە ئەم چاڤەرینە پارێ‌ پێدڤێ‌ بۆ دروستكرنا مۆنۆمێنتێ‌ بهێتە تەرخانكرن دەست پێ‌ بهێتە كرن".
bas news-