رێڤەبەرێ ناحیا گرعزیر دەڤەرا شنگال، دیارکرکو ل کۆمەلگەھا سیبا شێخدری دەڤەرا شنگال سێ گۆرێن دێ یێن بکۆم ھاتینە دیتن دێ روفاتێن چەندین کەسان تێدا ھەبن.



خدر رەشو، رێڤەبەرێ ناحیا گرعزیر دیارکر: "ھیشتا دروستاھێ نەھاتیە زانین چەند روفات دناڤ ھەر سێ گۆرێن ب کۆم یێن ل کۆمەلگەھا سیبا شێخدر ھاتنیە دیتن ھەنە لێ ئەم پێشبینی دکەین ھەموو کوردێن ئێزدی بن ناڤ وان گۆرێن ب کۆمدا ئەم داخوازی دکەین بھێنە پاراستن چوو گۆرێن ب کۆم نەھێنە ڤەکرن ھەتا لیژنێن تایبەتمەند دچن کاری خوە زانستی بۆ جینوسایدی سەر ئەنجام دەن".



ئەوژی دیارکر: "ھەتا نوکە 3400 کوردێن ئێزدی بی سەروشینکرینە ورەنگە چەندین گۆرێن دی یێن ب کۆم ژی بھێنە دیتن دڤیت بھێنە پاراستن ب ھەر رەنگەکێ ھەبیت مخابن حەشدا شەعبی بی ھەماھەنگیی قەستا وان دەڤەران کرینە ئەم تووشی ئاستەنگان کرینە مەترسیی ژی ھەیە ئەڤ گۆرێن بکۆم نەھێنە پاراستن".
BAS NEWS-