كومه‌لگه‌ها (كه‌لانێ) ئێكه‌ ژ وان كومه‌لگه‌هان دكه‌ڤیته‌ ل سنورێ قه‌زا ئاكرێ و ئێكه‌ ژ وان باژێرڤانیێن نوى هاتینه‌ دامه‌زراندن لێ هه‌تا نها ئه‌ڤێ باژێرڤانیا (كه‌لانێ) چ ئاڤاهى و فه‌رمانبه‌ر نینن.



حه‌دێ سورچى، رێڤه‌به‌رێ باژێرڤانیا كه‌لانێ ل دور بابه‌تى بوگوت: "سه‌روكاتیا باژێرڤانیا كه‌لانێ ده‌ما هاتیه‌ دامه‌زراندن خه‌لكێ ئه‌ڤێ ده‌ڤه‌رێ ب بریاردانا ئه‌ڤێ بریارێ گه‌له‌ك دلخوش بو چونكه‌ دێ چه‌ندین ئاریشێن ئه‌ڤێ ده‌ڤه‌رێ ل باژێرڤانیا كه‌لانێ دا هێنه‌ چاره‌سه‌ركرن لێ ئاریشا مه‌ ئه‌وه‌ هه‌تا نها ئه‌ڤێ باژێرڤانیا كه‌لانێ( فه‌رمانبه‌ر و ئاڤاهى و بودجه‌ و ترۆمبێلێن باژێرڤانیێ مه‌ )نینه‌ و زێده‌بارى وێ چه‌ندێ ژى هیچ ترۆمبێله‌ك بو باژێرڤانیا كه‌لانێ هه‌تا نها نه‌هاتیه‌ دابینكرن تا كو بشێن خزمه‌تا خه‌لكێ ئه‌ڤێ ده‌ڤه‌رێ بكه‌ین".



ناڤبرى ئه‌و چه‌نده‌ ژى گوت: "ئه‌گه‌ر ئاڤاهى و فه‌رمانبه‌ر و بودجه‌ بو سه‌روكاتیا باژێرڤانیا كه‌لانێ بهێنه‌ دابینكرن دێ خزمه‌ته‌كا مه‌زن بو خه‌لكێ ئه‌ڤێ ده‌ڤه‌رێ هێته‌ دابینكرن چونكه‌ د پلانا مه‌ د ایه‌ ئاڤا ژێر ئه‌ردى و چه‌ند جادێن ناڤخوى و كێشانا جادێ بو هه‌مو گوندان و باشتر كرنا ره‌وشا تورا كاره‌ب و ئاڤێ ل هه‌مو گوندێن سه‌ر ب با ژێرڤانیێ ڤه‌ باشت بكه‌ین".



رێڤه‌به‌رێ باژێرڤانیا كه‌لانێ ئه‌و چه‌نده‌ ژى دا دیاركرن: "مه‌ داخازى ژ جهێن شوله‌ژێ كریه‌ كو ب زوترین ده‌م هایدارى ئه‌ڤێ ره‌وشێ بیت و د هه‌وارا مه‌ بهێت و ئه‌و بودجه‌ و ئاڤاهى و فه‌رمانبه‌ر و ترۆمبێل بومه‌ بهێنه‌ دابینكرن و تا كو بشێن باشترین خزمه‌ت پێشكێشى خه‌لكێ ئه‌ڤێ ده‌ڤه‌رێ بكه‌ین".

هه‌ژى گوتنێ یه‌ باژێرڤانیا كه‌لانێ دكه‌ڤیته‌ سه‌ر ب قه‌زا ئاكرێ ڤه‌ و ژ (25) گوندان پێك دهێت و زێده‌تر ژ (500) كه‌سان دناڤا سنورێ ئه‌وێ باژێرڤانیێ دا دژین
BAS NEWS-