رێڤەبەرێ گشتی یێ کاروبارێن ئێزدیان ل وەزارەتا ئەوقاف و کاروبارێن ئاینی ھەرێما کوردستانێ، دیارکرکو ل گۆندی کۆچۆ پێنچ گۆرێن بکۆم ھاتینە دیتن و پێشبینی دھێتە کرن روفاتێن 400 کەسان تێدا ھەبن.

خەیری بۆزانی، رێڤەبەرێ گشتی یێ کاروبارێن ئێزدیان ل وەزارەتا ئەوقاف و کاروبارێن ئاینی ھەرێما کوردستانێ، دیارکر: "ھیشتا دروستاھێ نەھاتیە چەند روفات دناڤ ھەر پێنچ گۆرێن ب کۆم یێن ل گۆندی کۆچۆ ھاتنیە دیتن ھەنە لێ ئەم پێشبینی دکەین روفاتیێن ھەتا 400 کەسان تێدا بن وھیشتا لیکۆلین ل سەر گۆرێن ب کۆم یا بەردەوامە ئەو تەرمێن دناڤ گۆرێن بکۆمدا ھەموو یێن کوردێن ئێزدی نە".

بۆزانی، ئەوژی دیارکر: "تیرۆرستێن داعش کۆمکۆژییا ھەرە مەزن ل گۆندی کۆچۆ ھاتبوو کرن ھەژمارەکا زۆر وەلاتین سڤیل ھاتبوونە گرتن وکوشتن و رەڤاندن ئەڤ گۆرێن ب کۆم ژلایێ حەشدا شەعبی ڤە ھاتینە دیتن ئەم داخوازی دکەین بھێنە پاراستن".

خۆیا ژی کر: "داخوازی دکەین تێمین تایبەتمەند و پسپور بھێن ل سەر گۆرین ب کۆم ل شنگال کاربکەن چونکو باشترین بەلگە نە بۆ جینوسایدی پێدڤیە ئەو گۆرێن ب کۆم یێن کۆچۆ ژێ ھاتینە دیتن بھێنە پاراستن".














باسنیوز