له‌كه‌لار به‌هۆى ڕه‌شه‌باوه‌ یارییه‌ك با ده‌یبات و به‌و هۆیه‌وه‌ دوو منداڵ گیانیان له‌ده‌ست دا و یه‌كێكی دیكه‌ش بریندار ده‌بێت.

هه‌ڵگورد محه‌مه‌د ، جێگرى به‌ڕێوه‌به‌رى نه‌خۆشخانه‌ى فریاكه‌وتنى شه‌هید هه‌ژار له‌كه‌لار، ڕاگه‌یاند :" ئێواره‌ى ئه‌مڕۆ له‌گه‌ڕه‌كى ئه‌ندازیارانى شارى كه‌لار، یارییه‌كى منداڵان ڕه‌شه‌با ده‌یبات و به‌و هۆیه‌وه‌ سێ منداڵ ده‌بنه‌ قوربانى ".

گوتیشى :" له‌كاتى هێنانى منداڵه‌كان بۆ نه‌خۆشخانه‌ یه‌كێكیان گیانى له‌ده‌ست دابوو ، یه‌كێكى دیكه‌شیان پاش مانه‌وه‌ى بۆ ماوه‌ى نێو كاتژمێر له‌ نه‌خۆشخانه‌، گیانى له‌ده‌ست دا و یه‌كێكى دیكه‌شیان قاچى شكاوه‌".

ماوه‌یه‌كه‌ له‌ سنورى ئیداره‌ى گه‌رمیان، یارییه‌كى منداڵان په‌یدا بووه‌ كه‌ هه‌واى تێده‌كرێت و منداڵان یارى له‌سه‌ر ده‌كه‌ن و به‌شێوه‌یه‌كى گشتیتش له‌ شوێنه‌ گشتییه‌كان و پاركه‌كانى كه‌لار ئه‌و جۆره‌ یارییانه‌ داده‌نرێن.

bas news-