شڤێدی ل باژێرێ دھوکێ، پشتی دەنگێ گولەیان بلند بوی، خەلک گەھشتە جھێ رویدانێ و دیت گەنجەکێ خوە کوشیتە.



ھێمن سلێمان، بەرپرسێ پشکا پەیوەندی و راگەھاندنا پولیسێن پارێزگەھا دھوکێ بو دیارکر: "شڤێدی ل سەنتەرێ باژێرێ دھوکێ گەنجەکێ ب ناڤێ ( رێڤینگ ئەرشەد مزیری) د ژیێ (16) سالیێ دا ب گولەکا دەبانجێ دوماھی ب ژیانا خوە ئینایە و خوە کوشتیە".



بەرپرسێ پشکا پەیوەندی و راگەھاندنا پولیسێن پارێزگەھا دھوکێ، گوتژ: "پشتی دەنگێ گولێ بلند بوی ، خەلکێ دەوروبەر چوونە جھێ رویدانێ لێ ب نەخوشبەختانەیە ئەوی گەنجی دوماھی ب ژیانا خوە ئینا و گیانێ خوە ژ دەست دا و تەرمێ وی ھاتبو رەوانەکرن بو نەخوشخانا داد ل باژێرێ دھوکێ و پەرێن ڤەکولینێ ھاتینە ڤەکرن و ڤەکولینا بەردەوامە لێ ھەتا نھا نەھاتیە زانین ئەگەر چ بویە ئەڤ گەنجە خوە ب کوژیت".



جھێ ئاماژەکرنێ یە رێڤینگ ئەرشەد، د ژیێ 16 سالیێ دا بو و بەریا چەند رۆژان ھندەک ھەڤالێن خوە ئاگەھدار کرنە کو دێ دوماھی ب ژیانا خوە ئینیت و ھەتا نھا نەھاتیە زانین ئەگەرێ خوە کوشتنا ئەڤی گەنجی چ بویە و پولیسێن دھوکێ ڤەکولینا رویدانێ د بەردەوامن.
bas news-