ئەمڕۆ مەسعود بارزانی سەرۆكی هەرێمی كوردستان لە میانی سەردانەكەیدا بۆ وڵاتی ئوردن، سەردانی ئەو پێشمەرگە بریندارانەی كرد، كە بۆ چارەسەری ڕوویان لە ئوردن كردووە.


ئەو كۆمەڵە پێشمەرگەیەی بەهۆی بۆردومانی فڕۆکە جەنگییەکانی تورکیاوە لە شنگال بریندار بووبوون، لە نەخۆشخانەکانی ئوردن چارەسەریان بۆ دەکرێت.


دوای نیوەڕۆی ئەمڕۆ پێنجشەممە، سەرۆکی ھەرێمی کوردستان بە مەبەستی بەشداریکردن لە کۆڕبەندی ئابووریی جیھانی لە بارەی خۆرھەڵاتی ناوین و باکووری ئەفریقیا گەیشتە ئوردن. دوای گەیشتنی بارزانی، لەلایەن شا عەبدولڵای دووەمی پادشای ئوردنەوە لە کۆشکی حوسێنییە پێشوازی لێ کرا.
bas news-