ئەنجومەنی پاریزگای سلێمانی کە ئەمڕۆ پێنجشەممە بە ئامادەبوونی قایمقام و بەرپرسانی ئەمنیی قەزای چەمچەماڵ، کۆبوونەوەی نائاسایی تایبەت بە دۆخی ئەو قەزایەی ڕێکخست، تێیدا چەند بڕیارێکی پەسەند کرد.



بەپێی زانیارییەکان لە کۆبوونەوەکەدا ئەم چوار بڕیارە لە بەرژەوەندیی قەزای چەمچەماڵ و بۆ باشترکردنی ڕەوشی ئەمنیی ئەو شارە دەرکراوە.

بڕیارەکان بریتین لە:



- ناردنی ھێزێکی 100 کەسیی وەزارەتی ناوخۆ بۆ چەمچەماڵ.



- دابینکردنی ئۆتۆمبێل و کەرەستەی سەربازی بۆ ھێزەکانی ناوخۆ.



- وەزارەتی ناوخۆ و پارێزگاری سلێمانی و لایەنە پەیوەندیدارەکان ڕێکاری ئیداریی دەگرنەبەر بۆ کردنەوەی میلاکاتی بەڕێوبەرایەتییەکانی ناوچەکە.



- کردنەوەی بنکەی پۆلیسی نەھێشتنی تاوان



پێکهێنانی ئەم کۆبوونەوە و دەرکردنی ئەم چەند بڕیارە لەبارەی قەزای جەمچەماڵ لە کاتێک دایە لە ماوەی دوو مانگی ڕابردوودا دیاردەی تەقەکردن لەو شارە زیادی کردووە و چەندین گرژی و ئاڵۆزی ڕوویان دا و بەرپرسانی قەزاکەش باس لە کەمیی هێزی ئەمنی و پۆلیس دەکەن.













باسنیوز