ئەمڕۆ پێنجشەممە 18/5/2017، سەرۆك بارزانی، سەرۆکی ھەرێمی کوردستان، بە بانگھێشتێکی فەرمی، بەرەو شانشینی عەرەبیی ئوردن بەڕێ کەوت.

بەپێی راگەیاندراوێکی سەرۆکایەتیی ھەرێمی کوردستان، بارزانی لە ڕێگەی فڕۆکەخانەی نێودەوڵەتیی ھەولێر و لەسەر بانگھێشتی فەرمیی شا عەبدوڵا، پادشای شانشینی ئوردن، سەردانەکەی بەرەو ئەو وڵاتە دەست پێ کردووە.

بڕیارە لەو سەردانەدا سەرۆک بارزانی لەگەڵ شای ئوردن کۆببێتەوە و بەشداریش لە کۆڕبەندی ئابووریی جیھانی لە دەریای مردووی ئوردندا بکات.