سەرۆکی هەرێمی کوردستان بە مەبەستی تاوتوێکردنی چەند پرسێکی گرنگ، سەردانی وڵاتێکی عەرەبی دەکات.



بەپێی ئەو زانیارییانەی کە لە سەرچاوەیەکی سەرۆکایەتیی هەرێمی کوردستانەوە ، سبەی پێنجشەممە 18/5/2017، مەسعود بارزانی، سەرۆکی هەرێمی کوردستان، بە سەردانێکی فەرمی بەرەو شانشینی ئوردن بەڕێ دەکەوێت و دیدارێک لەگەڵ شا عەبدوڵای دووەم، شای ئوردن ئەنجام دەدات.



سەرچاوەکە ئەوەشی ئاشکرا کرد کە لەو سەردانە سەرۆک بارزانی شەڕی داعش و ڕووبەڕووبوونەوەی تیرۆر و قۆناغی دوای شەڕی داعش و هەندێک بابەتی دیکەی نێوان هەرێمی کوردستان و وڵاتانی عەرەبی تاوتوێ دەکات.