ئەڤرۆ ل رێکەفتی 16/5/2017 ل دەمژمێر (11) سپێدێ فروکێن شەرکەرێن تورکیا ب ھەبونا بنگەھێن پارتا کرێکارێن کوردستانێ (پەکەک)ێ، ھەمو رۆژان وەکو ئەڤرۆ سنورێن دەڤەرا ئامێدیێ بوردومان دکەن و ئەڤرۆ ژی فروکێن لەشکەرێ تورکیا ب دژواری بوردومانا دەڤەرا ئامێدیێ کریە و ھەرسێ گوندێن (سەرگەلێ و دێرێ و سگێرێ) ل دەڤەرا نھێلیا ب دژواری بوردومانکرینە و ھەتا نھا زیانێن بوردومانێ ناھێنە زانین چونکە ھەتا نھا بوردومانا فروکێن تورکیا یا بەردەوامە.

محمود نھێلی ژ راگەھاندنا رێڤەبەریا ناحیا دێرالوکێ ل دور بابەتی گوت: "بوردومانا ئەڤرۆ زیانێن گیانی نەبونە لێ زیانەکا ئێکجار مەزن گەھاندیە خەلکێ وان ھەرسێ گوندان چونکە خەلکێ وان ھەرسێ گوندان مژۆلی چاندنا بەرھەمێن چاندنێ نە و زیانەکا مەزن گەھشتیە بەرھەمێ وان"

محمودی دیارکر ژی: "ترس و لەرز کەفتیە دلێ خەلکێ گوندێ (دێرێ و سەرگەلێ و سگێرێ) دا پەیدا بویە و ب نەچاری ڤە جھێن نێزیکی رویدانێ ب جە ھێلانە ژ ترسا وێ چەندێ گیانێ وان بکەڤیتە بەر مە ترسیێ ڤە وەک چەوا رۆژێن بوری (3) کەس بونە قوربانیێن فروکێن لەشکەرێن سوپایێ تورکیا ل سنورێ دەڤەرا نێروە و رێکان و دوسکی ژووریان".

جھێ ئاماژەکرنێ یە بەری چەند رۆژان ئیسماعیل موستەفا قایمقامێ قەزا ئامێدیێ داخاز ژ پەکەکێ کربو خوە ژ دەڤەرا ئامێدیێ دوور بکەت یان ژی ئێدی خوە نێزیکی جھێن ڤە حەواندنا خەلکی نەکەت دا کو فروکێن تورکیا بوردومانا خەلکێ دەڤەرا ئامێدیێ نەکە و گیانێ وان نەبیتە قوربانا پەکەکێ و فروکێن لەشکەرێن تورکیا.











باسنیوز