دوای ئەوەی لە ماوەی رابردوو، چەند چەکدارێک چوار ھاووڵاتی شارۆچکەی خورماتوویان رفاند، ئەمڕۆ دووشەممە، ئازاد کران.

محەمەد فایەق، بەرپرسی راگەیاندنی قایمقامیەتی خوراماتوو، رای گەیاند: "دوای ئەوەی لە ماوەی رابردوو، چوار ھاووڵاتی شارۆچکەی خورماتوو رفێندران، ئەمڕۆ دووشەممە 17/4/2017 بە ھە وڵ و ماندووبونی شەلال عەبدول ئەحمەد، قایمقامی شارۆچکەی خورماتوو، فەرماندەی میحوەر و بەرپرسی ھێزەکانی ئیمام عەلی لە ھێزە ھاوبەشەکە توانرا 4 چوار لەو ھاوولاتییانە ئازاد بکرین".

بەرپرسی راگەیاندنی قایمقامیەتی خورماتوو، ئەوەشی خستەڕوو: "ئەو ھاووڵاتیانە لە رۆژانی رابردوو لە لایەن گرووپە چەکدارەکانەوە رفێندرابوون، یەک لەوانە ئەندازیان نیزاڵ محەمەد سەمین بوو، کە دوێنێ لە دوای ئەرکی فەرمی خۆی، رفێندرا بوو".








باسنيوز