ئەمڕۆ یەکشەممە، لە شارۆچکەی خورماتوو، لەلایەن چوار چەکدارەوە، ئەندازیارێکی بە نەتەوە تورکمان، رفێندرا.



محەمەد فایەق، بەرپرسی ڕاگەیاندنی قایمقامیەتی خورماتوو، رای گەیاند: "نیوەڕۆی ئەمڕۆ یەکشەممە 16/4/2017، لە کاتژمێر 12:30 خولەک، فەرمانبەرێکی سەنتەری ئاوەڕوی خورماتوو، بە ناوی نیزاڵ محەمەد سەمین، کە ئەندازیارە، لە گەڕەکی عەسکەری شارۆچکەی خورماتوو، لە کۆتای جووت سایدەکە، پاش تەواوبوونی لە ئەرکی فەرمی و گەڕانەوەی بو ماڵ، لەلایەن چوار چەکداری نەناسراوەوە و بە جلی سەربازی کە ئۆتۆمبێلێکی جۆری مەرزییە سپیان پێ بوو، رفێندرا".



بەڕێوەبەری راگەیاندنی قایمقامیەتی خورماتوو، ئەوەشی خستەڕوو: "ئەو ئەندازیارە، لە نەتەوەی تورکمانە، دانیشتووی گوندی بەستاملییە، لە ئیستا نشتەجێی شاری کەرکووکە، بەڵام دەوامی لە سەنتەری ئاوەڕۆی خورماتووە".
bas news-