ئەندامێکی ئەنجومەنی نوێنەرانی عێراق ئاماژە بەوە دەکات کە بەبێ ئاگاداریی سەرۆک وەزیرانی عێراق لەژێر ناوی حەشدی شەعبیدا مووچە دراوەتە هێزێکی پەکەکە و ئێستاش لێکۆڵینەوە لەم بارەوە دەکرێت.

شاخەوان عەبدوڵا، ئەندامی ئەنجومەنی نوێنەرانی عێراق، رایگەیاند: "لەسەر پرسی مووچەی هێزەکانی پەکەکە لە شنگال کە بەناوی حەشدی شەعبییەوە وەردەگیرێت ئاگاداریان کردووینەتەوە و ئێمەش پێمان گوتوون کە بەڵگە هەیە بەناوی حەشدەوە مووچە دەدرێتە پەکەکە لە شنگال و ئیستاش ئەو مووچە لەژێر ناوی جۆراوجۆرد بەردەوامە و بە پەکەکە دەدرێت.

لە درێژەدا گوتیشی: "دوای ئەوەی حکوومەتی تورکیا کەمێک هێزەکەی کشاندەوە، ئێستا بەشێک لە مووچەی پەکەکەش لە شەنگال کەم کراوەتەوە".
ئەوەشی خستەڕوو: "سەرۆک وەزیرانی عێراق بەو مووچەیان نەزانیوە کە دراوەتە پەکەکە، چونکە کاتی خۆی لە سەردەمی حکوومەتی مالیکیدا پێیان دراوە، بۆیە ئیستا دەستی بە لێکۆڵینەوە کردووە و ڕەنگە لەو بارەوە بڕیار بدرێت."








باسنیوز