ئه‌ندامەكا جڤاتا قه‌زا شنگال دیار كر كو به‌غدا هه‌یڤانه‌ و به‌رده‌وام پاره‌ داته‌ هنده‌ك گرۆپان ل شنگال و ل سه‌ر ڤێ پلانا خوه‌ مه‌ترسیدار یا به‌رده‌وامه‌ تا ده‌ڤه‌را شنگال ژ كوردستانێ داببرێت.


خه‌له‌ف قاسم ئه‌ندامێ جڤاتا قه‌زا شنگال بۆ (باسنیوز) دیار كر "شنگالێ چاڤه‌رى ئه‌نجامدانا رێفراندۆمێنه‌ بۆ دیاركرنا چاره‌نڤیسى خوه‌، ئێدى ده‌م هاتیه‌ شنگال ب فه‌رمی بهێته‌ سه‌ر هه‌رێما كوردستانێڤه‌ و بێژینه‌ به‌غدا بخاترا هه‌وه‌ چونكو درێژاهیا دیرۆكێدا شنگالیان بتنى زولم و ده‌رده‌سه‌رى و هه‌ژارى و كاره‌سات ژ عێراقى دیتینه‌، نوكه‌ ئه‌و ده‌مێ هاتیه‌ شنگال بریارا خوه‌ بده‌ن ئێدى دگه‌ل عه‌ره‌بان نه‌مینن".


خۆیا ژى كر "به‌غدا به‌رده‌وام پشته‌ڤانیێ ل هنده‌ك گرۆپێن نه‌ قانوونی ل شنگال دكە، هه‌كه‌ پشته‌ڤانیا به‌غدا بۆ وان گرۆپان نه‌بیت، چ ئالوزى ل شنگال دروست نابن ئه‌م داخوازى دكه‌ین ئه‌ڤرۆ به‌رى سبه‌ى رێفراندۆم بهێته‌ كرن، چاره‌نڤیسێ شنگال دیاربیت، ئێدى به‌غدا مایتیكرنى قه‌زا شنگالێدا نه‌كه‌ت".
bas news -