ئەمڕۆ چوارشەممە، بەڕیوەبەرایەتیی ھاتوچۆی ھەولێر، ئاگادارییەکی سەبارەت بە گرتنی دوو لای ترافیکی 100 مەتری شەقامی بڵاو کردەوە.



بەڕێوەبەرایەتیی پۆلیسی ھاتوچۆی ھەولێر، ئەمڕۆ چوارشەممە 5/4/2017، ئاگادارییەکی بڵاو کردوەتەوە، وێنەیەکی بۆ (باسنیوز) نێردراوە و تێدا ھاتووە: "ئاگاداری گشت شوفێرانی بەرێزی شاری ھەولێر دەکەینەوە کە بە مەبەستی کەمکردنەوەی جەنجالی و قەرەبالغی لەشەقامی 100مەتری


بەتایبەتی لەنزیک بەرزە پردی بەردەم کۆمپانیای جیھان، ئەمڕۆ چوارشەممە ھەڵساین بەگرتنی دوولا لەچوار ڕیانی عەدالە، تەنیا دوو لای چوار ڕیانەکە کەتەواو کەری 100 مەترییە بەکراوەیی بەجێھێڵران بۆ رۆیشتن".


ھاتوچۆی ھەولێر، ئەوەشی خستوەتەڕوو: "بەمەش کێشەی جەنجالیەکە ھەر لەرۆژی یەکەمەوە ھەستی پێکرا کە چارەسەر بووە، بۆیە ئەو شوفێرە بەڕێزانەی کە دانیشتووی گەڕەکی ڕاستین و بەنیازن بچن بۆلای گەراجی بەغدا، دەتوانن بچنە سەر ئەندەرپاسی بەردەم کۆمپانیای جیھان و لەوی پیچ بکەنەوە کە تەنھا 80 مەتر لەو شوێنە دوورە کە گیراوە".



bas news _