رێڤەبەرێ کاروبارێن ئێزدیان ل دھۆکێ، دیارکر کو بریارا پەرلەمانێ عێراقی بۆ ئینانا خوارا ئالایێ پیرۆزی کوردستانێ نیشانا وێ یەکی ددەت بەغدا رۆژ دووڤ رۆژی یا مەترسیی ل سەر ژیانا پێکھاتان دروست دکەت.

ھادی دوبانی، رێڤەبەرێ کاروبارێن ئێزدیان ل دھۆکێ دیارکر: "کوردێن ئێزدی درێژاھیا میژوویێ دا چوو خیر ژ عیراقی نە دیتینە ھەردەم ئێزدی تووشی زولم و زۆرداری و فەرمانان و دەربەردەری وکارەساتان بووینە ئەم داخوازی ژ جەنابی سەرۆک بارزانی دکەین ریفراندومی ئەنجام بدەت ب زووترین وەخت دەڤەرین ئێزدیان ڤەگەرنە سەر ھەرێما کوردستانێ ڤە ئێدی ئەم تووشی کارەساتان و فەرمانان نەبین دعێراقی دا".

خۆیا ژی کر: "ھەر بریارەکا دژی مللەتی کورد بیت پەرلەمانآ عێراقی پتریا دەنگان پەسەند دکەت مخابن جارەکی ژێ بریارەک بەرژوەندیا مللەتی مەدا پتریا دەنگان پەسەندنەکریە ئەو شوفینی و ھزرین توند سەری واند چوو جاران دەرناکەڤن ھەردەم دژی مەنە گەلەک فەرە نوکە بیژینە بەغدا بخاترا ھەوە".







باسنیوز