ئەندامێكی ئەنجومەنی نوێنەرانی عێراق ڕای دەگەیەنێت، بۆ گەڕانەوەی مافی جووتیاران، فشارەكانمان لەسەر حكوومەت زیاد كردووە.

نەجیبە نەجیب، ئەندامی ئەنجومەنی نوێنەرانی عێراق ئەمڕۆ دووشەممە 13/3/2017 لە كۆنگرەیەكی ڕۆژنامەنووسیی هاوبەشدا ڕای گەیاند: "بابەتی گەنمی جووتیاران فرامۆش نەكراوە، چونكە ئەوە مافی هاووڵاتییانی هەرێمی كوردستانە و پێویستە ئەو مافەیان لێ زەوت نەكرێت و بۆیان بگەڕێنرێتەوە، چونكە ئەوە بڕە پارەیە خێر و منەت نییە بەسەر جووتیارانەوە، ئێمەش ڕۆژانە بۆ گەرانەوەی مافەكانیان، فشار دەخەینە سەر حكوومەت و بانكی ناوەندی و وەزارەتی بازرگانیی عێراق".

هەر لەمیانەی كۆنگرە ڕۆژنامەنووسییەکەی ئەمڕۆ دووشەممەدا، ئەشواق جاف، ئەندامی ئەنجومەنی نوێنەرانی عێراق هێمای بۆ ئەوەش كرد: "پێویستە ئەو بڕە پارەیەی بۆ جووتیارانی خوار و ناوەڕاستی عێراق خەرج دەكرێت، دەبێ هەمان بڕە پارەش بۆ جووتیارانی هەرێمی كوردستان ڕەوانە بكرێت، چونكە نابێت كەمتر لە 46% و 77%ی ناوەڕاست خواروی عێراق بێت."












باسنيوز