ئەندامێکی ئەنجوومەنی شارۆچکەی تلسقۆف دەڵێ، ٢٠٠ خێزان گەڕاونەتەوە و چاوەڕوان دەکرێت بەم نیزیکانە خەڵکێکی زیاتریش بگەڕێنەوە.

ئەندامی ئەنجوومەنی شارۆچکەی تلکێف، (عادل میخە)، بە ماڵپەڕی فەرمیی پارتی دیموکراتی کوردستانی گوت: ''ئێستا ٢٠٠ خێزان گەڕاونەتەوە تلسقۆف و لە داهاتوویەکی نیزیکدا ژمارەکە زیاتریش دەبێت.''

(عادل میخە) گوتی: ''کریستیانەکان بەردەوامن لە گەڕانەوە بۆ تلسقۆف و، تەنانەت کریستیانەکانی ناوچەی دیکەی دەورووبەری تلسقۆفیش هەر دەگەڕێنەوە تلسقۆف، چونکە داعش شارۆچکەکانیانی وێران کردوون.''

ئەندامەکەی ئەنجوومەنی شارۆچکەی تلکێف گوتیشی: ''زۆربەی خەڵکی کریستیانی تلسقۆف ئاوارەی هەرێمی کوردستان ببوون، ئێستاش چاوەڕێی باشترکردنی خزمەتگوزاری دەکەن، بۆ ئەوەی بەتەواوەتی بگەڕێنەوە زێدی خۆیان.''
kdp-