سەرۆکی ئەنجومەنی شاری شەنگال ئاماژە بەوە دەکات، کە پارتی کرێکارانی کوردستان (پەکەکە) ھیچ حسابێک بۆ ئیدارەی شارەکە ناکات، تادێت ھێز دەجوڵێنێت و خەڵک دەڕفێنێت گوتی، "نازانین پەکەکە چی لە ئیدارەی شارەکە دەوێت".

وەیس نایف، سەرۆکی ئەنجومەنی شنگال رایگەیاند، پەکەکە رۆژی سێشەممە 7.3.2017 لە ڕۆژئاوای کوردستانەوە ئەندام و لایەنگری خۆی کۆکردووەتەوە و ھێناویەتییە شنگال تا گوشاری سیاسی پێ دروست بکەن.

وەیس نایف بە سەرسوڕمانەوە دەپرسێت پەکەکە چی لە شنگال دەوێت؟ بۆ ناکشێتەوە؟ تاکەی شاری شەنگال ببێتە قوربانی ململانێی سیاسی پەکەکە و حساب بۆ ئیدارەی ئەم شارە نەکات، لە کاتێکدا پێیان دەڵێن بازگە لەناو شارەکان لابدەن بەقسەمان ناکەن، منداڵ و گەنجی ئێزدی ھەڵدەخەڵەتێنن و دەیان کەن بە چەکدار و خەڵکی دەڕفێنن.

سەرۆکی ئەنجومەنی شنگال ئاماژەی بەوەش دا، کە چەکدارانی سەر بە پەکەکە لەو بازگانەی دایان ناوە، باج و سەرانە لە هاووڵاتییان وەردەگرن.








باسنیوز