دانیشتووانی گوندێکی هەرێمی کوردستان، بە ڕێژەیەکی بەرچاو قوربانی دەکەن، بە جۆرێک کە زیاتر لە نیوەی ماڵەکانی ئەو گوندە، قوربانییان کردووە و گۆشەکەشیان بەسەر یەکتردا دابەش کردووە.



ئومێد قادر کە پیشەی مامۆستایە و دانیشتووی گوندی (ھەسنان)ی دەڤەری سۆرانە، بە (باسنیوز)ی ڕاگەیاند: ”ئەگەرچی ئەمساڵ بەھۆی قەیرانی دارایی بە شێوەیەکی گشتی سەربڕینی ئاژەڵ بۆ جەژنی قوربان کەمی کردووە، بەڵام دانیشتووانی گوندی ھەسنان، زیاتر لە 40 سەر مەڕ و بزن و (2) مانگایان کردە قوربانی“.



ئەوەشی ڕوون کردەوە، سەرجەم گوندەکە لە 73 ماڵ پێکدێت کە 470 کەس دەبن. گوتیشی: ”سەرجەم گۆشتە قوربانییەکە لە شوێنێکدا کۆکرایەوە، دواتر بەپێی ژمارەی دانیشتووانی گوندەکە، هەر کەسێک کیلۆ و نیوێک گۆشتی بۆ دیاری کرا، بەشێکی زۆری خێزانەکان زیاتر لە 10 کیلۆ گۆشتیان بەرکەوت“.
BAS NEWS_