چینیيه‌كان هه‌ر بازاڕی كه‌لوپه‌لی هه‌رێمی كوردستانیان داگیرنه‌كردووه، به‌ڵكو بازاڕی چه‌ره‌زاتیشیان قورخكردوه‌، به‌ جۆرێك زۆربه‌ی چه‌ره‌زاتی بازاڕ به‌تایبه‌تی گوڵه‌به‌رۆژه, به‌رهه‌می وڵاتی چینه‌، بازرگانانی چه‌ره‌زاتیش پێیانوایه‌، به‌هۆی قه‌یرانی داراییه‌وه‌ فرۆشی هه‌موو چه‌ره‌زاته‌كان كه‌میكردووه,‌ به‌ڵام فرۆشی گوڵه‌به‌ڕۆژه‌ له‌به‌ر هه‌رزانيیه‌كه‌ی 85% زیادبووه‌.‌

ئه‌گه‌ر چی له‌ هه‌رێمی كوردستاندا، ماوه‌ی چه‌ند ساڵێك كه‌رتی كشتوكاڵ بووژانه‌وه‌ی به‌خۆوه‌ بينیوه‌، به‌ڵام به‌رهه‌می چه‌ره‌زات له‌ ئاستێكی باشدا نيیه‌ و ناتوانێت پێداویستی ناوخۆیی پڕبكاته‌وه، ئه‌مه‌ش هه‌لێكی باشی نه‌ك هه‌ر بۆ چه‌ره‌زاتی چینی، به‌ڵكو بۆ چه‌ره‌زاتی ئه‌مه‌ریكیش درووستكردوه‌ كه‌ بازاڕه‌كانی هه‌ریمی كوردستان داگیربكه‌ن.

تاوه‌كو ئێستا چین له‌ رێی كه‌لوپه‌له‌كانیيه‌وه‌ بازاڕه‌كانی داگیركردبوو، ئێستا ته‌نانه‌ت بازاڕی گوڵه‌به‌رۆژه‌ و چه‌ره‌زاتیشی‌ داگیركردووه‌، به‌رهه‌می گوڵه‌به‌رۆژه‌ی ناوخۆییش، نه‌ك به‌شی پێداویستی ناكات, به‌ڵكو له‌سه‌ره‌تاییدایه‌ و دوور دوور له‌ خۆر ده‌ڕوانێت.
K24-