سەرۆک بارزانی لە پەیامێکدا بە بۆنەی 55 ساڵەی شۆڕشی ئەیلوول, ئاماژە بە گەورەیی و یەکگرتوویی شۆڕشەکە دەکات و ده‌ڵێت: "شۆڕشی ئەیلوول شۆڕشێكی سەرتاسەری گەلی كوردستان بوو و بڕوابەخۆبوونی لە ناخی هەموو تاكێكی كوردستانی دروستكرد كە دەبێ لەبەرانبەر داگیركاری و ناهەقیدا بوەستێتەوە".

هه‌روه‌ها ده‌ڵێت: "بۆ یەكەمجار لە مێژووی بزووتنەوەی رزگاریخوازی كوردستان لەو شۆڕشەدا بوو كە هەموو چین و توێژەكانی كۆمەڵگە بەشداری خەباتی نەتەوایەتی و دیموكراسیخوازی گەلەكەیان بوون و هەموو پێكهاتە نەتەوەیی و ئایینییەكانی كوردستانیش شانبەشانی كورد لەژێر سەركردایەتييه‌كی هاوبەش لەدژی ستەم و داگیركاری خەباتیان كرد".

سەرۆکی هەرێمی کوردستان باس لە بەهای ئاشتی و پێکەوەژیان و ئازادی گەلی کوردستان دەکات و دەڵێت: "لە كاتێكدا یادی ئەو شۆڕشە مەزنە دەكەینەوە كە بە خۆڕاگریی خەڵكی كوردستان و بە گیانفیدایی پێشمەرگە قارەمانەكانمان هەنگاوی زۆر مەزن هاوێشتراوە و لەسەر ئاستی جیهانیدا دۆزی رەوای گەلی كوردستان دۆست و پاڵپشتی گەورەی هەیە. گەلی كوردستان ئەوەی بە جیهانیان سەلماند كە پارێزەری بەهای ئاشتی و پێكەوەژیان و ئازادییە. ئەو بەهایانەی جێگەی شانازیی تاك تاكی خەڵكی كوردستانن".

K24 -