کادیرێکی یەکێتیی نیشتمانیی کوردستان، هۆشداری بە حزبەکەی دەدات، لەبارەی کێشە ناوخۆییەکانەوە و پێی وایە، بەردەوام بوونی ئەم گرفتانە، کاریگەری لەسەر داهاتووی دەنگەرانی یەکێتی دروست دەکات.

ئەمڕۆ شەممە 10\9\2016، نیشتیمان مورشید، کادیری یەکێتیی نیشتمانیی کوردستان و ئەندامی پێشووی پەرلەمانی کوردستان، ڕایگەیاند: “هیوادارین هەوڵەکان بۆ چارەسەرکردنی کێشەکانی ناو یەکێتی بە دەرئەنجام بگات”.

ئەوەشی ڕوون کردەوە، ئاگادارن کە هەوڵی جددی هەیە، بۆ ئەوەی گرفتەکان چارەسەر بکرێت، هەر لە هەوڵە ناوخۆییەکانەوە تا هەوڵی حزبەکان. گوتیشی: “پێم وایە کێشەکان ئەوەندە قورس نین کە چارەسەر نەکرێن". ئەوەشی دووپات کردەوە: ”بەردەوام بوونی یەکێتی لەسەر ئەم دۆخە، کاریگەریی خراپ لەسەر دەرئەنجامی هەڵبژاردنەکان دەکات".





باسنیوز