كۆمه‌ڵه‌ی ئه‌ڵمانی بۆ هاریكاری به‌ته‌مه‌نه‌كان ده‌ڵێ گوشاری ده‌روونی ده‌بێته‌ سه‌رچاوه‌ی گرفت بۆ گه‌ده‌ و كۆئه‌ندامی هه‌رسی كه‌سانی به‌ته‌مه‌ن، له‌وانه‌ دڵه‌كزێ، سكئێشه‌، ئێڵنح و به‌دهه‌رسی.

كۆمه‌ڵه‌كه‌ رێنمایی به‌ته‌مه‌نه‌كان ده‌كات بۆ دووربوون له‌ به‌دهه‌رسی هه‌ندێك گۆڕان له‌ شێوازی ژیانیان درووستبكه‌ن بۆ رووبه‌ڕوبوونه‌وه‌ی ئه‌و ئاڵۆزكارییانه‌ی هه‌رس كه‌ به‌هۆی گوشاری ده‌روونییه‌وه‌ رووده‌ده‌ن، جگه‌ له‌وه‌ وا باشتره‌ ژه‌مه‌كانیان رێكوپێك بن و به‌ ئارامی به‌ڕێیان بكه‌ن و به‌ باشی خۆراكه‌كانیان بجوون.

كۆمه‌ڵه‌كه‌ ده‌ڵێ نابێ هه‌موو به‌دهه‌رسی و سكئێشه‌یه‌ك وه‌ها لێكبدرێته‌وه‌ كه‌ هۆكاره‌كه‌ی ده‌روونییه‌ و پشتگوێ بخرێ، به‌ڵكو ئه‌گه‌ر چه‌ند هه‌فته‌یه‌ك به‌رده‌وام بوو ده‌بێ راوێژ به‌ پزیشك بكرێ و هۆكاره‌كه‌ی به‌ وردی دیاریبكرێ.
رووداو-