ئەندامێکی فراکسیۆنی یەکێتی نیشتیمانی کوردستان لە ئەنجومەنی نوێنەرانی عێراق ئاماژە بەوە دەکات لە چەند ڕۆژی داهاتوو فراکسیۆنەکەیان کۆدەبێتەوە و هەڵوێستی خۆیان ڕوون دەکەنەوە.

فەرهاد قادر، پەرلەمانتاری یەکێتی نیشتیمانی کوردستان، لە ئەنجومەنی نوێنەرانی عێراق رایگەیاند: لەچەند ڕۆژی داهاتوو فراکسیۆنەکەیان کۆدەبێتەوە و دوای تاوتوێ کردنی بارودۆخی ناوخۆی یەکێتی دواتر لەبەیاننامەیەکدا هەڵوێستی خۆیان ڕوون دەکەنەوە، گوتی: "هەوڵ دەدەین ئەو گرفتانەی حزب کارنەکاتە سەر ئێمە بۆیە لە سبەینێ (6\9\2016)، کۆبوونەوەی خۆمان دەکەینەوە و هەڵوێستی خۆمان لەشێوەی بەیاننامەیەک بڵاو دەکەینەوە بۆ هەموو لایەک ڕوون دەکەینەوە کە بەشێک دەبین لە فشار خستنە سەر هەموو باڵەکانی ناو یەکێتی لە پێناوی یەکێتی ناو یەکێتی و نابینە بەشێک لەو ململانێانە".













باسنیوز