ئاژانسێکی عێراقی، ئاماژە بەوە دەکات کە چوونی حەنان فەتلاوی، بۆ شاری هەڵەبجە خەڵکی هەرێمی کوردستانی نیگەران کردووە و بەڕێوەبەری مۆنۆمێنتی هەڵەبجەش دەلێت: "ئاگاداری ئەو سەردانە نیم".

ئاژانسی "سکای پرێس"ی عێراقی ئاماژە بە نیگەرانی خەڵکی هەرێمی کوردستان دەکات، لە چوونی حەنان فەتلاوی سەرۆکی کوتلەی ئیرادە لە ئەنجومەنی نوێنەرانی عێراق و دەڵێت: "خەڵکی هەرێمی کوردستان بە چوونی فەتلاوی نیگەران بوون و کۆمەڵەی قوربانیانی چەکی کیمیاوی هەڵەبجەش لەو بارەوە نیگەرانیان دەربڕیووە".
سەرخەێڵ غەفار، بەڕێوەبەری مۆنۆمۆنتی هەڵەبجە بە ئاژانسەکەی راگەیاندووە: ئەوان ئاگاداری هاتنی فەتلاوی نەبوون و پێشیان خۆش نەبووە، چونکە فەتلاوی خێری بۆ کوردستان نەویستووە، بۆیە نە ئێستا و نەلە داهاتوو پێشوازی لە چوونەکەی ناکەن، چونکە سوکایەتی بە کورد و شەهیدانی کوردستانی کردووە.